ఇంగ్లీషూ యు లివ్ లాంగా -కొనసాగింపు

ఇంగ్లీషూ యు లివ్ లాంగా -కొనసాగింపు

ఈ విధంగా మాట్లాడటం మొదలు పెట్టిన రెండో రోజు, రెండిటప్పుడు , ఇద్దరి మిత్రులతో కలిసి లంచ్ కి వెళ్తూ, దారిలో కనిపించిన సీరియస్గా పనిచేసుకుంటున్న ఓ అమ్మాయిని “మిస్ కారేజా” అని అడిగా…ఆ అమ్మాయిని దాటి కొంచం ముందుకువెళ్లగానే పక్కవాడు అందుకున్నాడు..

పక్కవాడు : ఏంట్రా, ఆ అమ్మాయిని ఏంటి అడిగావ్?
నేను: మిస్ కారేజా అని అడిగాను.
పక్కవాడు : అది విన్నాను గాని, అంటే అర్దం ఏంట్రా?
నేను : ఏదోలే బాబూ, కారేజి తెచ్చుకుందా అని అడిగాను.
పక్కవాడు: ఓ, అదా, నేను ‘కన్యా గర్భమా?’ అని అడిగావనుకున్నా!
రెండోవాడు: ‘కన్యా గర్భమా?’ ఏంట్రా? వాడు గర్భం పోయిందా అని అడిగితే!!

నాకు తెలియకుండా ఇంగ్లీషు లో ఇన్ని శ్లేషలు మాట్లాడుతున్నందుకు నాకు ఆనందపడాలో, ఏడవాలో తెలియలేదు.

        *************************

రెండు మూడు వారలక్రితం,ఓ శుక్రవారం సాయంత్రం colleague (ఇది కొలీగా?కలీగా?)వచ్చి B.R ఇవాళ చేయనా మండే చేయనా అని అదిగాడు.
నేను చెప్పాను:
If you do B.R today BR today, you want B.R monday B.R monday ,అతనికేమర్ధమయ్యిందో నాకర్ధం కాలేదు కానీయండి, ఆయన O.K అని వెళ్లిపోయాడు.