పుత్రోత్సాహము తండ్రికి
పుత్రుడు జన్మించినపుడె పుట్టదు, ఎపుడా
పుత్రుడు హీరో అగునో
పుత్రోత్సాహంబు నాడు పొందుర సుమతీ!
పుత్రోత్సాహము తండ్రికి
పుత్రుడు జన్మించినపుడె పుట్టదు, ‘నటులా’
పుత్రుని నటనను బొగడగ
పుత్రోత్సాహంబు నాడు పొందుర సుమతీ!
పుత్రోత్సాహము తండ్రికి
పుత్రుడు జన్మించినపుడె పుట్టదు “ఆడున్
పుత్రుని సినిమా వందని”
పత్రికలు టీవీలుపేల, పొందుర సుమతీ!
పుత్రోత్సాహమె తండ్రికి?
పుత్రుడి సినిమా ఫెయిలవ?,ఫస్ట్రోజే ఆ
చిత్రము వెనుదిరిగొచ్చిన-
పుత్రోత్సాహంబు పాడు బొందర సుమతీ!
పుత్రోత్సాహమధికమై
పుత్రుకు పుట్రేపు బెట్టి,పైగా హీరో
పాత్రిచ్చి తీయ సినిమా;
పాత్రొచ్చినచేతికి- తన పాపమె? సుమతీ!
8 స్పందనలు so far ↓
kolluri soma sankar // సెప్టెంబరు 5, 2007 వద్ద 8:44 పూర్వాహ్నం |
బావుందండి, హాయిగా నవ్వుకున్నాను.
సోమ శంకర్
చదువరి // సెప్టెంబరు 5, 2007 వద్ద 1:15 అపరాహ్నం |
పుత్రోత్సాహము వారికి
చిత్రము మనినా కలుగదు, చిత్రము! ప్రజలా
పుత్రుని కభిమానమునన్
ఛత్రము పట్టిన, కలుగును చప్పున సుమతీ!
కొత్త పాళీ // సెప్టెంబరు 5, 2007 వద్ద 3:51 అపరాహ్నం |
చదువరి గారూ .. తేటగీతి కష్టమంటూనే ఇక్కడ అలవోకగా కందాలు పండిస్తున్నారు .. ఊకదంపుడుగారి పంచరత్నాలు ఒక తమాషా ఐతే .. దానిమీద మీ టేకు అదిరింది.
Sriram // సెప్టెంబరు 5, 2007 వద్ద 4:58 అపరాహ్నం |
wah! wah!
vookadampudu // సెప్టెంబరు 6, 2007 వద్ద 12:07 పూర్వాహ్నం |
కొత్తపాళీ గారు,
సుడిగాలి పర్యటనకు ధన్యవాదములు. చదువరి గారు కందము పండించటమే కాదు, ఆ కాస్త కందం లో శ్లేష కూడా వేశారు.
చదువరి గారు,
మీ పద్యం పై పద్యాలకి తలమానికం గా ఉంది.
సొమ శంకర్ గారు, శ్రీరామ్ గారు,
ధన్యోస్మి.
చదువరి // సెప్టెంబరు 6, 2007 వద్ద 3:31 పూర్వాహ్నం |
ఊదం గారి పద్యంలోంచి నాలుగైదు మాటలను మార్చితే సరిపోయింది, గభాలున పద్యం తయారై పోయింది.
మెచ్చినందుకు కృతజ్ఞతలు.
రానారె // అక్టోబర్ 2, 2007 వద్ద 4:00 పూర్వాహ్నం |
క్యా బాత్ హై!! చదువరి గారి శ్లేష చాలా బాగుంది.
రానారె // అక్టోబర్ 2, 2007 వద్ద 4:00 పూర్వాహ్నం |
క్యా బాత్ హై!! చదువరి గారి శ్లేష కూడా చాలా బాగుంది.