ఇది మూడవ ( దేవుడు మేలుజేస్తే, మరియు చివరి) “రౌండు”, కాబట్టి, పఠయితలే సంయమనం పాటించాలని మనవి.
మొదటి, రెండవ వాత’లిక్కర’ ..అదే ..ఇక్కడ
పెళ్లి మంటపమందు
ప్రక్క మిత్రుల విందు
సిగ్గు చేటని యందు
ఓ తూగులయ్య
***
ఫీజు జీతము నాడు
చీర పండుగ నాడు
మందు మాత్రమె నేడు
ఓ తూగులయ్య
***
తడసినంతనె గొంతు
మాట మాటకు బూతు
జేయు ననుముకవాతు
ఓ తూగులయ్య
***
బారు బిల్లగు జాస్తి
ఇంట చేతురు శాస్తి
“రోడ్డు సైడె”ప్రశస్తి.
ఓ తూగులయ్య
***
చికెను వేపుడు తోడ
గ్యాసు షోడా తోడ
తెలియు స్వర్గపు జాడ
ఓ తూగులయ్య
***
పబ్బు లొచ్చెను నేడు
కుల్కు స్మితల తోడు
తోచి నట్టుల ఆడు
ఓ తూగులయ్య
***
డాన్సు బారుల యందు
నాట్య గత్తెల చిందు
నోట్లు గుబ్బల సందు
ఓ తూగులయ్య
6 స్పందనలు so far ↓
చదువరి // డిసెంబరు 20, 2007 వద్ద 11:00 అపరాహ్నం |
పదాలు మంచి లయతో ఉన్నాయి. అందుకేనేమో “కుల్కు స్మితల తోడు” లో లయ తప్పిన విషయం వెంటనే తెలిసిపోయింది. తొమ్మిది మాత్రలే ఉంటం చేతనంటారా?
nagamurali // డిసెంబరు 21, 2007 వద్ద 8:47 అపరాహ్నం |
ఊక దంపుడు బ్లాగు
భళి భళీ అతి బాగు
కామెడీలకు వాగు
ఓ తూగులయ్య
రానారె // డిసెంబరు 22, 2007 వద్ద 6:47 పూర్వాహ్నం |
క్వార్టరైనను చాలు
తూగులయ్య పదాలు
ఊకదంపుడు ‘వ్రాలు’
ఓ గూగులమ్మా!
vookadampudu // డిసెంబరు 22, 2007 వద్ద 5:10 అపరాహ్నం |
చదువరి గారు,
అవునండీ.అక్కడొక మాత్ర తగ్గింది, గమనించలేదు. నెనరులు.
నాగ మురళి గారు రానారె గారు, నెనరులు.
రాకేశ్వర రావు // డిసెంబరు 25, 2007 వద్ద 4:10 అపరాహ్నం |
దంచుతాఁడు ఊక
ఆటవిడుపు లేక
నాకుఁ నవ్వు రాఁగ
ఓ గుత్తేదారు!
గమనిక – మీరు గ్యాఁసు అంటే దాని శబ్దం గ్యాన్సు లేద గ్యాంసు ‘అన్నట్టు’ వస్తుంది… ఆంగ్లులు పలుకునట్లు రాయడానికిక్కడ ఁ పనికిరాదనుకుంట.. నాకు పెద్దలు చెప్పినదానిబట్టి అర్థమయ్యింది.. (మీ మేలైడీ నాదగ్గర లేదు లేకంటే కొన్ని లంకెలున్న మేలొకటి మీకు ముందుకంపేవాడిని (forward)).
vookadampudu // జనవరి 9, 2008 వద్ద 1:23 అపరాహ్నం |
రాకేశ్వర గారు,
“ఉంచఁదగని చోట నుంచగా నఱ సున్న
నీతులందుఁ బుట్టు బూతు లెన్నొ”
అని పి.బి.శ్రీనివాస్ గారన్నది నా(బోటి వారి) రాతలు చూశేనేమో..
ఆ అరసున్నా తీసివేసినాను. మీకు మెయిలు పంపినాను, ఆ వ్యాసాలు పంపండి. నెనరులు