మోడీ మతఛాందసుడని
కాడే అపమృత్యుబేరగాడని పలికే,
మోడీ జపమ్ములో తా
మోడిరిలే ఘోరముగను, మొగమెటు చెల్లున్?
ఎన్నికలసంఘముండెనె
పన్నుగ ఉచితానుచితము పరిశీలింపన్?
వన్నే?దోషులనొదలగ?
కన్నున్ననుగ్రుడ్డిసంస్థ గాదె చదువరీ!
మోకాలడ్డుటకునేమి? మోదీ గెల్చెన్
డిసెంబరు 28, 2007 · అభిప్రాయములు
వర్గాలు 'ఊక'వితలు-పద్యాలు
11 స్పందనలు so far ↓
చదువరి // డిసెంబరు 28, 2007 వద్ద 1:13 అపరాహ్నం |
పిలిచి, నిలబెట్టి మరీ ప్రశ్నిస్తున్నారు.
కుస్తీ పట్టి సమాధానం రాస్తున్నాను.
అన్నది సోనియ గావున
చిన్నగ హెచ్చరికతోటి చెల్లెన్! అదియే
మున్నుగ మోడీ యన్నచొ
భిన్నముగా నుండనోపు వీరుల చర్యల్!
Sriram // డిసెంబరు 28, 2007 వద్ద 3:43 అపరాహ్నం |
sehabhash! both of you!
vookadampudu // డిసెంబరు 28, 2007 వద్ద 8:10 అపరాహ్నం |
చదువరి గారు,
టోపీ తీసి నిలబడి చప్పట్లు కొట్టాను.
నెటిజన్ // డిసెంబరు 28, 2007 వద్ద 9:02 అపరాహ్నం |
ఎన్నాళ్ళకెన్నాళ్ళకు !
బ్లాగులద్వారా ఈ ప్రక్రియ మొదలుబెట్టినవారు మీరిద్దరేనేమో!
ఇక ఆపకండి.
రానారే, కొ పా, బాలవాక్కూ ఎక్కడున్నారండీ?
మిగతా వాళ్ళందరిని ఒక కేకెయ్యండి!
రండి! త్వరగా!
తలా ఒక పద్యమో, పాదమో వెయ్యండి!
అయ్యా! తెలుగు బ్లాగర్లందరు, రారండి!
రండి!
నెటిజన్ // డిసెంబరు 29, 2007 వద్ద 6:39 పూర్వాహ్నం |
లలితగారు, రాధిక గారు, “జ్యోతక్క”గారు, సౌమ్య గారు, – మీలో ఎవరన్నా ఒక్క చెయ్యివెయ్యగలిగిన వారున్నారా? రండి
vookadampudu // డిసెంబరు 31, 2007 వద్ద 12:00 అపరాహ్నం |
చదువరి గారు, కొనసాగిస్తున్నాను
మున్నుగలడుశేషాఖ్యుడు
కన్నంతనెనేతలందు కలుగగ వణుకే,
దన్నుగ నిలచెను జనులకు
ఎన్నక నేతల ‘ఇమేజి’ ఎన్నికలందున్
చదువరి // డిసెంబరు 31, 2007 వద్ద 2:20 అపరాహ్నం |
బాగా చెప్పారు. శేషన్, లింగ్డోలు వన్నెలద్దిన పదవది. ముఖ్యంగా లింగ్డోను నేనభిమానిస్తాను. (ఆయన మనూళ్ళో ఉంటం మనకు గర్వకారణంగా భావిస్తాను.) ఆయన చెప్పిన క్యాన్సరు పోలిక – 24 క్యారెట్లు! అందుకే..
ఉన్నత పదవుల నందున
వెన్నెముకే లేని జనులు వెలవెలపోవున్!
ఎన్నదగిన ఘనవీరులు
ఉన్నపుడే శోభ గలుగు, ఊదం గారూ!
vookadampudu // డిసెంబరు 31, 2007 వద్ద 4:49 అపరాహ్నం |
లెక్కకు టపామొదలిడగ
దక్కెను పద్యములు రెండు దయతమదౌటన్
మ్రొక్కెదసద్యస్ఫూర్తికి,
చక్కని కవితా ప్రతిభకు, చదువరి గారూ!
చదువరి // జనవరి 2, 2008 వద్ద 7:15 పూర్వాహ్నం |
నీవు నేర్పిన విద్యయే నీరజాక్ష!
మీ చలవన నాకు నాలుగు పద్యాలు దక్కాయి.
అన్నట్టు, ఇంగ్లీషు పాఠాలకు ఎడమొచ్చేసింది. నాబోటి ఇంగ్లీషు నేర్చుకునేవాళ్లకి ఇబ్బంది కదా.. ఆలోచించగలరు!
Sowmya V.B. // మే 26, 2008 వద్ద 10:36 పూర్వాహ్నం |
@Netizen:
నాకంత దృశ్యమూ లేదు…అంత భాషా లేదు.
vookadampudu // జూన్ 15, 2008 వద్ద 4:46 అపరాహ్నం |
సౌమ్య గారు,
దృశ్యం నాక్కూడా లేదు, అందుకే అదృశ్యంగా రాస్తుంటాను. ఇక భాష, తప్పులు చెప్పటానికి ఇక్కడ చాలామంది పెద్దలున్నారు. కాబట్టి భయపదవలసిన అవసరం లేదు.