సీసము(?):
శిరమున యొప్పుకాపురభారమొక్కటి
శిరమున సంసార భారమదొక్కటి
పరవళ్ల గంగయు- వరసకొడుకు*
తిరముగ ఒంటినంటి రమణి యొక్కతె
పార్వతీ దేవియు పసుపు కొడుకు
ఆమెకు ఈమెకు నేమందులేగాని
సకలలోకమనెడి సవతి పోరు
ఈతని కాతని కీశ! జెప్పగనేల,
సకలలోకమెరుగు చవితి పోరు
ఆటవెలది(?):
మౌని,స్థాణు, జడుడ, మాటవరసకైన
జోక్య మింత లేదు జోగి నీదు.
“నీరు-తామరాకు” నియతి వర్తింపగా
నేర్పవయ్య నాకు సర్పభూష!
18 స్పందనలు so far ↓
srikaaram // ఫిబ్రవరి 23, 2009 వద్ద 7:53 పూర్వాహ్నం |
Interesting!
Malakpet Rowdy // ఫిబ్రవరి 23, 2009 వద్ద 7:57 పూర్వాహ్నం |
WOW!!!!!
కొడీహళ్లి మురళీ మోహన్ // ఫిబ్రవరి 23, 2009 వద్ద 8:11 పూర్వాహ్నం |
మీకు,మీ కుటుంబానికీ మహాశివరాత్రి శుభాకాంక్షలు.
Dreamer // ఫిబ్రవరి 23, 2009 వద్ద 11:58 పూర్వాహ్నం |
పద్యాల్లో కూడా పన్నులా సార్ !!
రానారె // ఫిబ్రవరి 23, 2009 వద్ద 9:25 అపరాహ్నం |
వరసకొడుకు? చంద్రుడా? పక్కన * ఎందుకండీ? Conditions apply?
“చవితి పోరు” … వహ్వా!!
కామేశ్వర రావు // ఫిబ్రవరి 25, 2009 వద్ద 11:47 అపరాహ్నం |
ఇంతవరుకూ నేను సవతిపోరే విన్నాను, చవితిపోరు గురించి వినడం ఇదే మొదలు, భలే!
చాలాబావుంది పద్యం.
కామేశ్వర రావు // ఫిబ్రవరి 25, 2009 వద్ద 11:50 అపరాహ్నం |
అన్నట్టు, “సవతిపోరే విన్నాను” అనడంలో సవతిపోరు గురించే విన్నాను అని నా ఉద్దేశం, అన్యథా భావించకండి. అసలే మీరిలాటి విషయాల్లో “pun”డితులు
ఆత్ర్రేయ // ఫిబ్రవరి 26, 2009 వద్ద 5:04 పూర్వాహ్నం |
ఊదము గారూ భేషూ
పాదము తలనెట్టెగంగ పాముల బుసలే
మోదన చెవిన తన సొంత
రోదనె వినబడని ఈశ్వరుకింకో పోరా ?
రాఘవ // ఫిబ్రవరి 26, 2009 వద్ద 12:34 అపరాహ్నం |
ఏఁవండోయ్ ఊకదంపుడుగారూ, నాకు ? * వంటి గుర్తులు ఎందుకొచ్చాయో తెలియలేదు.
వరసకొడుకా? ఏ వరుసలోనండీ? శివుడి నెత్తి మీదుండే ఆకాశగంగకీ సముద్రంలో కలిసే భూలోకగంగకీ కొంచెం తేడా చూపించండి సార్. లేదంటే శివుడూ సముద్రుడూ… వామ్మో సపతులౌతారు!!!
పసుపు కొడుకు… పసుపు వినాయకుడు. బావుంది ప్రయోగం
ఆవిడకీ ఈవిడకే కాక, కొడుకులు అని చెప్పి వాళ్లకీ పోరు పెట్టడం మీకే చెల్లిందండీ!
ఔనూ, శివుడు మీకు ఏం నేర్పాలీ?
మీది పన్ను కాదు. పసుపు కొడుకుయొక్క విరిగిన దంతం
vookadampudu // ఫిబ్రవరి 26, 2009 వద్ద 9:10 అపరాహ్నం |
కామేశ్వర రావు గారు,
అన్యధా భావించడమే? “అక్షింతలు” గా స్వీకరిస్తాను.
రాఘవ గారు,
పోనీ ,భూలోక గంగమ్మ ఆకాశ గంగ కి చెల్లలనుకోండి, కాదూ “కజిన్ సిష్టర్” అనుకోండి,
శివుడు సముద్రుడూ “కో-బ్రదర్స్” అనుకోండి.(కాసేపు)
vookadampudu // ఫిబ్రవరి 26, 2009 వద్ద 10:06 అపరాహ్నం |
ఆత్రేయగారూ,
రామకృష్ణా రావు గారు చెప్పినట్టు
ఇంకెన్నాళ్లీ కందపు
సంకెళ్లందే నడకలు? చక్కటి వృత్తాల్
ఇంకా కొన్నుపజాతుల్
కంకణ బద్ధులయి వ్రాయ కౌతూహలమున్
కొత్తపాళీ // ఫిబ్రవరి 27, 2009 వద్ద 2:48 పూర్వాహ్నం |
ఆయన ఫణిరాజ హారుడైతే తమరు పన్ రాజ హారులు. సుసం”పన్”నం చేశారు!
ఆత్రేయ // మార్చి 17, 2009 వద్ద 3:44 పూర్వాహ్నం |
సలహా బాగుందండీ …
పలహా రము చేసిన విధి పద్యము చెప్పన్
అలవడినవారు తమరే
అలవోకగ వృత్తములన అనుభవ మివరూ ?
అందము గుందని పట్టిన
కందము ఇచ్చిన దురదలు కనుమరు గయితే
అందరు చెప్పిన విధముగ
ముందడుగులు వేయగలను ముద్దుగ నేర్చీ
vookadampudu // మార్చి 19, 2009 వద్ద 1:17 పూర్వాహ్నం |
ఆత్రేయ గారు::
ఉ. వృత్తము నేర్వబోదునని వీనుల విందుగ చెప్పినారయా!
ఉత్తమ వస్తువుం గొనుడి ఊఱక నావలె యూకదంపకే
చిత్తము నిల్పిరే, యతులు జెల్లును ప్రాసయు ఛందమున్,గనన్
ఉత్తమమౌనుదొల్తగను, ఉత్పల మాలయొ మత్తకోకిలో .
ఇది చూడండి:
http://andam.blogspot.com/2007/07/blog-post_17.html
ఆత్రేయ // మార్చి 19, 2009 వద్ద 1:37 పూర్వాహ్నం |
దంపితిరుఉత్ప లంబున
నింపితిరిగద విషయములు నింపాదిగనే
పంపితిరి లంకె బిందెను
వొంపెద నయ ధనము నింక వొడిలో నిండన్
రాకేశ్వర రావు // మార్చి 25, 2009 వద్ద 2:13 అపరాహ్నం |
ఆదిలోనే హంసప్రాస.
భారాన్ని మార్చాల్సుంది.
ఆత్రేయ // మార్చి 25, 2009 వద్ద 7:40 అపరాహ్నం |
రాకేశ్వర్రావ్ గారూ
నాకీ ప్రాసలెపుడయిన నానవు నోటిన్
బాకీ ఉందుము తమరికి
మాకీ ప్రాసేమిటన్న మాట తెలిపినన్
vookadampudu // మార్చి 25, 2009 వద్ద 11:49 అపరాహ్నం |
రాకేశ్వర గారు,
ప్రాస యతి చెల్లించాను అనుకున్నాను,కాదన్న మాట, ఇప్పుడు చూసి ఇంకా తప్పులుంటే చెప్పండి.