ఇది రెండో వాత, అదే.. విడత.
పాత గాయపు మాన్పు
కొత్త కైతల కాన్పు
నిండు బాటిలు తేన్పు
ఓ తూగులయ్య!
పాత గాయము మాన్పు
కొత్త కోర్కెల కాన్పు
నిండు బాటిలు తేన్పు
ఓ తూగులయ్య!
శుక్రవారపు రాత్రి
చుక్క చుక్కకు ఆర్తి
చుక్క లెంచును నేత్రి
ఓ తూగులయ్య!
తెలుగు మాటలు నాంచు
తాగి యాంగ్లము దంచు
గొంతు వేమన కంచు
ఓ తూగులయ్య!
నేలనిలచి “నో”యను
ఫ్లైటున వడి దెమ్మను
రోమునతడు రోమను
ఓ తూగులయ్య!
రద్దు కోరుచు నరచు
నెగ్గి నంతనె మరచు
బెల్టు షాపుల దెరచు
ఓ తూగులయ్య!
సీత జాడను దెలిసి
కోతు లన్నియు దనిసి
ద్రావె దండుగ గలిసి
ఓ తూగులయ్య!
సుధలు పుట్టిన దెంత
దివిన జాలుట వింత
కలిపిరే”ఇది” కొంత
ఓ తూగులయ్య!