Monthly Archives: జూలై 2008

ఈ వారం (డూపు)సిధ్ద — (డూపు)బుద్ధ

బుద్ధా
ఆ సిద్ధా
ఎటో బయల్దేరి నట్టున్నావ్.
అడిగావ్.., అట్టా అడగొద్దని నీకెన్నీ సార్లుజెప్పాను…
సరే అడిగేశాగా, చెప్పు…
ఊళ్లో మళ్ళా చికెన్ గున్యా మొదలైందిట, ప్రభుత్వానికి అర్జీ ఇద్దామని బయలుదేరాను..
చికెన్ గున్యా వస్తే ప్రభుత్వానికి ఏమి సంబంధం చెప్పు? చికెన్ గున్యా కి చికెన్ కి సంబంధం లేనట్టే, చికెన్ గున్యా కి ఆరోగ్య శాఖా మంత్రి కి ఏమి సంబంధం లేదని ఇంతకు ముందు ఆరోగ్య శాఖా మంత్రి చెప్పారా లేదా?
మరి..
ముసుగుకప్పుకు పడుకో అంతే….
అటునుంచి అటు కరంటు ఎక్కువసేపు పోతోందని కంప్లైంట్ ఇవ్వటానికి వెల్దామని..
కోతని చెప్పారు గా ఇంకా కంప్లైంట్ ఎందుకు..
రెండుగంటలని చెప్పి నాలుగు గంటలు తీస్తున్నారు బాబూ..
ఎగస్ట్రా రెండు గంటలు ఎందుకో చెప్పనా…
చెప్పు..
పెళ్లి కానివాళ్లకి సామూహిక వివాహాలు, ఉపనయనం కాని వాళ్లకి సామూహిక ఉపనయనం చేసినట్టు బత్తీబంద్ చేయని వాళ్ల చేత సామూహిక బత్తీబంద్ చేయించటానికి అన్నమాట, అందువల్ల కంప్లైంట్ చేయటానికి లేదు..
ఆ, బత్తీబంద్ అంటే గురొచ్చింది,అటునుంచి అటు బత్తీ బందు గురించి వై.యస్, బాబులకి ఇంకోసారి గుర్తు చేసొద్దామను కుంటున్నాను..
వాళ్లిద్దరు ఢిల్లీ వెళ్ళారు లే, ఒకరు నిలబెట్టటానికి, ఒకరు పడగొట్టటానికి.. ఇప్పుడు నువ్వు వాళ్ల ఆఫీసులకు వెళ్ళీ చేశేదేమిలేదు..
ఆ, క్రితం సారి అవిశ్వాస పరీక్షప్పుడు మా తమ్ముడూ రెండు రోజుల్లో ఇస్తానని తీసుకున్నా రెండు వేలు ఇప్పటికీ ఇంకా ఇవ్వలేదు, అటునుంచి అటు కోర్టు లో కేసు వేయటానికి వెల్దామనుకుంటున్నాను..
ఇంత చిన్న దానికి కోర్టు లో కేసూ, డబ్బులూ, టైము వేష్ట్ చేసుకోవటమెందుకు, ప్ర.మం.కా ఉంది గా?
అంతేనా?..
అవును ఇక కూసో మాట్టాడుకుందాం..

సరే ఐతే మనిద్దరం ఇక్కడ కదా ఉండాల్సింది,ఇక్కడకి ఎట్టా వచ్చామో చెప్పు..
బాబూ నువ్వు నిజం గా సిద్ధ- బుద్ధ లాగ ఫీల్ అవ్వకు…
సిద్ధ-బుద్ధ అక్కడే ఉన్నారు, సిద్ధ గ్రీన్కార్డ్ వాళ్లకి బియ్యం సబ్సిడి ఇవ్వాలన్న ఉద్యమం లో విహారికి సహాయం చేస్తున్నాడు.. బుద్ధ వాళ్ల బుడ్డాడు, బియ్యానికి కరువచ్చేస్తోందని ముందుచూపుతో చేపలు పట్టటం నేర్చుకుంటుంటే చేపలు లెక్కపెడుతున్నాడు..
అసలు సినీతారలు లేని రాజకీయ పార్టీలు డూపుల్ని బెట్టుకున్నట్టు ఈ ఊకదంపుడు మనల్ని యెత్తుకొచ్చాడు…

ఒరేయ్ లైవ్‍షో లో నిజాలు చెబుతావా.. ఉండు నీపనిజెప్తా…

ప్రకటనలు

అమ్మ, నాన్న, మూడేళ్లబ్బాయి

అమ్మ: పదిన్నర అవుతోంది పడుకోరా
అబ్బాయి: నాన్న వచ్చాక పడుకుంటాలే అమ్మా

అమ్మ: పదకొండయింది పడుకో నాన్న, టి.వీ రేపు చూడచ్చు
అబ్బాయి: నాన్న వచ్చాక పడుకుంటాలే అమ్మా
అమ్మ: నాన్న ఆఫీస్ నుంచి వచ్చేసరికి ఇంకా లేటవుతుందిట, నేనూ పడుకుంటున్నాను , నువ్వూ పడుకో
అబ్బాయి: సరె ఐతే నువ్వు పడుకో అమ్మా నేను ఇవాళ పడుకోను లే..
అమ్మ: ఎందుకు పడుకోవు?
అబ్బాయి: నేను నిద్ర మధ్య లో లేచి ఏడిస్తే, నువ్వు విసుక్కొని తిడతావు గా, అప్పుడు ఎత్తుకొని నిద్రపుచ్చటానికి నాన్న ఉండరుగా అందుకు.
అమ్మ: ??!

పెడితే పెట్టాలిరా…

పెడితే పెట్టాలిరా పార్టీ పెట్టాలి
ఐతే అవ్వాలిరా ఛీఫ్ అవ్వాలి
బాటేదైనా గాని మనరైలు వెళ్లాలి
పోటిఉన్నాగాని గెలుపొంది తీరాలి
హస్తినలో నీకోసమె పాత్రే ఉండాలి

అనుపల్లవి:
వోట్లే రాలాలి మునిరాజు లాగ
సీట్లే రావాలి నటరాజు లా
పదవే ఉండాలీ నెలరాజు లా
ముగిసే పోవాలి రాజూ, పేదతేడాలన్నీ…….

అనుపల్లవి మీకేమైనా అర్ధం అయ్యిందా చదువరి గారు?

ఇంగ్లీషూ యు లివ్ లాంగా -౭

ఈ మధ్య మా ప్రాజెక్టు లో ఒకతను రాజీనామా చేసి బాలెన్స్‍షీట్ కాస్త బాగా కన్పిస్తున్న కంపెనీ వైపు పరిగెత్తితే, మా ప్రాజక్టు లో ఓ ఇంజినీర్ కి కొరతొచ్చింది. మానేజరు నన్ను బిలిచి, ఇప్పుడు నియామకాలు లేవు, పక్క ప్రాజెక్టు లో నుంచి ఒకడిని తెచ్చుకోవాలి, ఈ ఇద్దరితో మాట్లాడి, ఎవరినో ఒకరిని ఎంచుకో అని ఓ రెండు పేర్లు చూపించారు.
మొదట చందన్ మిశ్రా తో మాట్లాడాను

నువ్వు ఎందుకు ప్రాజెక్టు మారదామనుకుంటున్నావు?
Actually I want to change project ఇసిలియే కీ …..
నీకు c++ వచ్చా?
I know C++ మతలబ్ I gave a paper in 3rd sem మగర్ సంఝో కీ I did not work on C++…
ప్రాజెక్టు లో నీ పని ఏమిటి?
Beginning, I was given a feature, it so happened కీ ..
…వీడు ఇట్టా మాటిమాటికీ, “కీ”లిస్తుంటే మనవల్లకాదని రెండో వాడిని (పొన్నూరు మధుబాబు) పిలిచాను మాట్లాడటానికి..
ఇంటిపేరేనా, ఊరిపేరు కూడా పొన్నూరేనా..
పొన్నూరు కాదు గానీ, పక్కనే…
సరే, రేపటినుంచి ఈ ప్రాజెక్ట్ కి వచ్చెయ్..
***

రెండు రోజుల తరువాత .. అతడు నా దగ్గరికి వచ్చి:

“UdaM I am empty. “ అన్నాడు
వ్వాట్
That documents read completed. Now I am empty. Give me something.
I am empty అంటే , ఖాళీ గా ఉన్నాను అని అర్ధం నేర్చేసుకొని, మా రామలింగానికి మనసులో ‘థాంక్స్’ చెప్పుకొని
“గో,చెక్ సర్వర్ ” అని సర్వర్ ఉన్న వైపు చేయి చూపించాను..
అతను అక్కడికి వెళ్లి, నాకు వినిపడటానికి గట్టిగా
“You are locked” అని అరిచాడు
వ్వాట్
“You are locked server,I can’t check logs, please open.” అని అరిచాడు
తేరుకొని, సిష్టం అన్‍లాక్ చేయటానికి వెళ్తుంటే, అనుమానమొచ్చింది, పొరబాటున, సర్వర్ కిల్ అయ్యుంటే వీడేమి అరిచేవాడా అని..

రాజకీయ కార్టూను-2

రా.కా.-2

“పత్రికలది,ప్రభుత్వానిది భార్యాభర్తల సంబంధం”- ఓ రాజకీయ నాయకుడు.

కుక్కినపేనల్లే ఉండక తాగితంతున్నానని ఊరంతా చెబుతావా?