దత్తపది – ౨

వాచ్ ( Watch),
రింగ్( Ring),
చైన్ (Chain),
టై ( Tie)
ఈ పదాలను ఉపయోగించి పురుషనిజభూషణ శోభ గురించి వృత్తపద్యం చెప్పండి.
నే నేమంటున్నానో అర్ధం కాకపోతే ఇక్కడ చూడండి.

నగుమోము – ౨

బుగ్గలెందుకు నవ్వేనంటే పెదవులనంటి ఉన్నాయన్నావు

కళ్లెందుకు నవ్వేనంటే “జ్ఞానేంద్రియాలు” కదా అన్నావు

నత్తుకీ జూకాలకీ కూడా నవ్వటం నేర్పావు

ఈ మట్టిమనిషిని మాత్రం మరిచావు.

పన్ తరంగాలు – ౪

• ఇపుడవి ఖూనివర్సిటీలు.

• కోర్ కమిటీ పూర్తి పేరు దగాకోరు కమిటీ.

• (చాలా మంది) మగవారు పెళ్లికి ముందు నిత్యానందులు, పెళ్లి తరువాత కేవలం రత్యానందులు.

( ఈ పన్నునే త.నా, కర్ణాట లలో వేరే విధం గా చెప్పుకుంటున్నారుట, మీ ఇష్టం మీది)

• ఇప్పటికీ చాలా మంది ఆడవారికి కొంప కొల్లేరు, బెడ్రూము పులి–కాట్.

• గుఱ్ఱపు పందేలు ఆడేవాళ్లు ఎక్కువగా పాడుకునే పాట : ఆరేసుకేబోయి పారేసుకున్నాను హరీ, హరీ.

దత్తపది – ౧

రాబోయే సీతాకళ్యాణానికి, ఎలాగు మీరు పద్యాలు వ్రాస్తారు కాబట్టి, ఈ లోపు

మిల్క్( milk),
బటర్ ( butter),
జాం ( jam),
శాండ్ విచ్( Sandwich)

పదాలతో –
బాలకాండ – శివధనుర్భంగం ముందువరకు, ఏదైనా అంశంపైన – మీకు తోచిన వృత్తం లో
పద్యం కావాలి.

హవ్వ! రవ్వనద్దారు

కాస్త పని ఒత్తిడిలో ఉండటం వల్ల,
ఈ టపాకి నే వ్రాయదల్చుకున్న విషయం 3/4 రోజులలో వ్రాస్తాను. ఈ లోపు మీరు ఏమైన ఊహ చేస్తారేమో కూడా చూస్తాను.

శుభాకాంక్షలు

అందరికీ టీవీ ఛానల్ …
అహ కాదు కాదు …..
వికృతి నామ సంవత్సర ఉగాది శుభాకాంక్షలు!